POSICION DA SGR EN RELACION AO CONFLITO EN IMAXE CARDÍACA NO COMPLEXO HOSPITALARIO UNIVERSITARIO DE SANTIAGO DE COMPOSTELA (CHUS)

Santiago, 31 de Maio de 2017.

A Sociedade Galega de Radioloxía (SGR) tendo coñecemento da convocatoria pola empresa MEDTRONIC dun proceso para a adquisición dun equipo de tomografía computarizada (TC) e outro de resonancia magnética (RM) para a área cardiovascular do Complexo Hospitalario Universitario de Santiago de Compostela, expón o noso apoio e adhesión ao manifestado pola SERAM en relación a este asunto.

Consideramos que o uso exclusivo ou prioritario dos devanditos equipos pola área Cardiovascular supón:

– Que rompe o concepto básico do noso Sistema Nacional de Saúde polo que os Servizos Centrais (Radioloxía) son os garantes da utilización racional e equitativa dos equipos de alta tecnoloxía, nos que se realizan exploracións de TC e RM a pacientes procedentes de todas as especialidades e con todo tipo de patoloxías.

– Que se quebranta a necesaria equidade que debe existir no acceso aos recursos de todos os pacientes, especialmente tendo en conta que os estudos cardíacos non supoñen máis do 5% do total dos estudos de TC e RM realizados actualmente.

Por todo iso a SGR considera:

– Que os equipos de TC e RM que se pretenden instalar en de o CHUS deben ser utilizados para realizar exploracións a todos os pacientes e non soamente nin prioritariamente aos da área Cardiovascular. Que non se pode xustificar esta adquisición argumentando a prioridade pola urxencia e/ou mortalidade das enfermidades cardíacas xa que non é maior que as cerebrovasculares e oncolóxicas (mama, próstata, etc.).

– Que o Servizo de Radioloxía debe ter un papel fundamental na xestión dos equipos e na realización dos informes asociados aos estudos que se realicen neles.

Utilizamos cookies para realizar un registro y seguimiento de la actividad general de los usuarios en la web. Al continuar con la navegación entendemos que se acepta nuestra Política de cookies política de cookies

ACEPTAR
Aviso de cookies